#انا اسفة#للشاعر حسن الشوان

______________ انا أسفه __________

جمال إيه إللي بتتعايقي بيه
الجمال   جمال    الروح
فاكرة إن الكل  ملهوف عليه
ونسيتي قلبك المجروح
اللي الدموع ماليه عينيه
واللي صوته راح من البوح
واللي 🌒 القمر هجر لياليه
وغرورك اللي وخداه طموح
اللي هدم كل اللي بنتيه
لما مشاعرك بقت زايفه
واللي  أخلصلك  بعتييه
وعشتي الكبر وانتي عارفه
لو راح مستحيل ح ترجعيه
حتي لو  قلتي  انا أسفه

____________________________
........ حسن الشوان ...................

شاركها !