*باحلم وعنيه مفتحين* بقلم الهام شحاتة

باحلم وعنيه مفتحين

بقلم الهام شحاتة
==========
حلمى اللى عشته من زمان
وانا كنت صغيره
نفس المكان
       نفس الزمان
والفرحه كات على قدنا
مرسومه فى عيون الصفار
فردين لكل الدنيا درعات أمل
واخدنها عافيه
لا ييهمنا طول الزمن
ولا كان بيشغل فكرنا
فكر وحنان
نحلم كلام
نحلم صور
وف كل لحظه
الحلم كان
يصبح حقيقه
مش خيال
ولا كنت أخاف
من الموت ولا
كل العفاريت فى المدى
ماتهل بسمتى
من قرص شمس المستحيل
كان يترعب منى الفراق
ويموت فى جلده
الخوف يخاف من طلتى
انزل أنا وكل البنات
نلعب مع الصبح الجديد
نلعب الأولى وأستغمايه
وكتبر لعب
كنت ابتسم من البنت لولى
أصلها كانت عبيطه
وشكلها مهبوله خالص بالأوى
امسك حرامى وياواد يابنت
أحسن هايسرق بهجتى
ويضيع من الحلم الأمل
ياه ع الأمل
انا كنت فى وسط البنات
الألغه والسكر نبات
والورد ينشر عبيره
من فرحتى
والورد يكتب ع الورق
أجمل كلام من نفحتى
وامى كانت البسمه
الجميله فى دنيتى
كات كل يوم يطلع
ترشرش ع الوشوش
بهجه وغنى
تجمع هموم المستحيل
بلمسه الحب الحقيقى
فاتختفى كل الهموم
لادمع ينزل ع الخدود
والقلب ينبض بالهوى
طول ماأحنا كنا
فى لحظه الحب الحقيقى
بنبتسم ونغازل
الشوق اللى طالل
من عيون البدر
والنور الوليد
تقعد فى ضى البدر
نسمع بالساعات
حدوته الشاطر حسن
اختى واخويه
وكل بنت من البنات
نسمع ونفرح
بالحوديت كلها
اللمه تحلى والوشوش
أجمل من النور والفرح
يا .. فرحتى
ياحلم راجع من جديد
تحلمنى
واحلم دنيتك
واعيش ف لحظه صغيره
كل اللى فات من عمرنا
واسأل سؤال
أنا حلم ولا كنت عيون المنام
بحلم كتير وعنيه لسه مفتحين
وبقيت أنا
من الشقيانين
؟!
===============
بحلم وعنيه مفتحين
شعر الهام شحاتة سالم
من ديوان ((مجروحه ))
==========================

شاركها !