قصيدة بعنوان........ الحوت الازرق

توت.... توت
قطر صغنتوت
كنا بنلعب بيه
ف الحاره
قبل مايظهر
لينا الحوت
أو نتمرجح
تحت الشجرة
على كرسى
صغير مربوط
قالوا الحوت
الأزرق جانا
فرمط عقلنا
عاش ويانا
وإحنا فتحنا
ليه البيوت
لعبه غريبة
فكرها شارد
مش محبوبه
ودمها بارد
واللى بدعها
مش مظبوط
توت....توت
إلحق إبنك
بات مرصود
لما تلاحظة
مش مبسوط
إوعى تسيبه
ياخده الحوت
صاحبه وإعرف
فين أوجاعه
قبل ماينجح
يوم ف خداعه
وإرسم للحريه حدود
توت ....توت
خربوا بيوتنا
بكل جحود
فكر صهاينه
وكان معهود
إحنا نعمر
هما يهدوا
عالم سافله
زى الدود
كل هدفهم
طول أيامهم
كل طموحنا
ياصاحبى يموت
توت......توت
إوعى ياإبنى
تعيش هلفوت
حدد هدفك
وإمسك قلمك
ده الخير لسه
أكيد موجود
لو يوم جالك
عكر حالك
بكره الفرحة
ف يوم هتعود

كلمات الشاعر محمد ثروت عبد الحفيظ

شاركها !