#فيصل بدر#الليل

((( الليل )))
**********
الليل بيرعب النهار
 بضلمته وبقسوته
والسكون خيِّم
على دروب البشر
 فى الليل قلوب نايمه
 وخوفها فى حضنها
وقلوب فى قلب قلوب
 بتضمها
 وقلوب على درب الهوى
 سهرانه
 وقلوب تحب تسمع نبضها
 وقلوب الكُره عنوان طبعها
والنهار شايل
 على كتفه السلاح
 وسلاح النهار من نور
 زى قلوب حظها مكسور
 والنهار بنشر ضياه
على دروب البشر
والليل بمووووت
 وبيموت وياه القمر
لا ضى النهار بيدوم
  ولا حتى أفراح البشر
****************
                            شاعر القريه
                             فيصل بدر

شاركها !